المقال ده ممكن يكون طويل شويه ولكن اقراه عشان توفر مجهود كتير في التدوير والبحث -- احنا كتبنا المقال مخصوص لمستويات A1/A2 عشان نساعدهم يحسنوا الانجليزي بتاعهم بدون تشتت وتدوير كتير.
بعد ما عرفت مستواك لازم تحدد خطه لنفسك وتحدد اهداف SMART لنفسك، فكر فعلا انت ليه عايز تحسن الانجليزي بتاعك وما تجاوبش علي السؤال ده ب"عشان اشتغل" "عشان الشغل" "عشان الانجليزي مفيد"، عايز ابقي مستوى كذا كذا عشان اشتغل في شركه كذا، او عشان اسافر دوله كذا مثلا ومحتاج اجيب سكور كذا. لو مفيش هدف واضح وقوي مش هيكون فيه دافع تكمل مذاكرة وهتشتغل كذا يوم وتوقف.
وضح هدفك واكتبه علي ورقه وحطه قدامك علي مكتبك أو في أي مكان بتقعد فيه كتير، واقراه كل يوم عشان تفكر نفسك بيه. الكلام ده مهم جداً جدا جداً (جداً)ً ودي اول حاجه لازم تعملها قبل ما تشوف هتذاكر ازاي.
عشان محدش يخدعك لازم لازم تذاكر مع نفسك حتى لو بتاخد كورس، مفيش كورس هيخليك جامد "لوحده"، اللغة محتاجه شغل كتير ومستمر عشان تحقق نتايج. ما تشتتش نفسك بمصادر كتيره عشان معظم الناس اللي بتقدم "خطط" أو "مصادر" علي سوشيال ميديا مش مدرسين مؤهلين أو بيقولوا طرق فيها فهلوه كتير أو مش عمليه علي المدى الطويل (ولك حرية الاختيار في الأول وفي الآخر طبعاً).
الطريقة المثالية من وجهة نظرنا في مستواك بتعتمد علي استعمال مبدأ في تعلم اللغات اسمه comprehensible input، يعني بكل بساطه هتقرا وتتفرج علي محتوى مفهوم بالنسبه لك، ما نرشحش علي الاطلاق تذاكر جرامر بأي شكل من الاشكال، ما تعملش أي حاجه غير انك تقرا وتتفرج علي محتوى مفهوم بالنسبه لك. لو عاوز تسرع الرتم بتاع تعلمك شويه تقدر تحفظ جمل كامله (ولو ان ما نرشحش انك تعمل كده)، عموما لو هتحفظ خد بالك من كلمة جمل"جمل"، لازم تحفظ جمل مش كلمات لوحدها، وده مبدأ في تعلم اللغات اسمه chunking، وانت بتحفظ الجمل لازم تعمل shadowing او انك تقلد نطق الشخص التاني، الحفظ عن طريق الاستماع قبل ما يكون عن طريق القراءة عشان نطقك يتزبط من الاول، يعني اما تقابلك كلمه جديده قبل ما تحفظ كتابتها ازاي تحفظ نطقها ازاي من النيتيف سبيكر. الأذن والفم قبل العين واليد. احفظ الجمل وقولها بنفس الطريقه اللي بيقولها النيتيف سبيكر ولو لقيت حروف بتتاكل او مش بتتقال قولها زي ما بيقول بالزبط، نفس النبره، لو متعصب تقلده وهو متعصب، لو متفاجيء تقلده وهو متفاجيء وهكذا. لازم تعمل كده في الاول عشان نطقك يزبط.
ما تكتبش أو تتكلم مع نفسك بالانجليزي عشان ما تنميش عادات او استعمالات خاطئه للغه، دي مش مرحلة output عشان انت ما عندكش معرفه كافيه لسه باللغة، بلاش استعجال دلوقتي..
مصدر للقراءة (جرب كله واختار واحد بس):
تقدر تقرا قصص من على موقع Readlang (سجل عليه وافتح الLibrary وبعدين فلتر الماتريال على حسب مستواك)
أو تقدر تستعمل ابليكيشن iStoria عشان تقرا كل يوم قصص مناسبه لمستواك (الابليكيشن المجاني بيتيحلك 3 قصص كل يوم).
وتقدر تستعمل Engoo برضه المقالات اللي عليه لذيذه ومتقسمه ليفلات.
مصادر للاستماع (جرب كله واختار واحد بس):
هتحتاج تشوف فيديوهات سهل تفهمها برضه، تابع التشانل دي واتفرج عليها كل يوم نص ساعه، ما تذاكرش اي حاجه، مجرد اتفرج وخلاص
التشانل دي اتفرج عليها لو مستواك A1 - حدد هدفك كل يوم فيديو او فيديوهين (دي أحسن تشانل موجوده حالياً علي يوتيوب بتعلم عن طريق الـcomprehensible input)
https://www.youtube.com/watch?v=IZZEijaJLmI&list=PLqE81DRO-TpFUby7iTm_7M7NWVyze4B82&pp=iAQB
لو مستواك A2 ممكن تتفرج علي تشانل من التشانلز دي (اتفرج علي اللي بتحبه وحاسس انك فاهم معظم الكلام فيه):
https://www.youtube.com/watch?v=1-BRSuzNB2o&list=PLA5UIoabheFM281dIr4ojw9xOVoo9dOtw&pp=iAQB
https://www.youtube.com/watch?v=J1f47XwvQYA&list=PLhPfBpTj6VpTuTSndeBBzTMxvzpYDa8UE&pp=iAQB
ختاماً:
الموضوع ممكن يبان معقد بس ببساطه هتشوف تشانل واحده بس تتفرج عليها وموقع واحد بس تقرا منه، بعد ما تلاقي الماتريال المناسبه ليك الغى متابعتك لكل مدرسين الانجليزي والتزم بالمصادر اللي انت لقيتها دي. ما تشتتش نفسك عشان ما تزهقش، لو عندك أي اساله ما تترددش في سؤالنا. لو مش حابب المصادر دي دور على مصادر تانيه انت حاسسها ممتعه بالنسبه لك، أهم حاجه تحاول بقدر المستطاع تلاقي ماتريال ما تبقاش ممله ليك.
لو عاوز تعرف اكتر عن تعلم اللغات عموماً تقدر تقرا باقي المقالات بتاعتنا هنا:
https://www.intensoenglish.com/blog
أو تتابع اليوتيوبر ده ( عالم لغوياتمؤسس موقع LingQ)