أحسن طريقة تحفظ بيها كلمات وتقوي حصيلتك اللغوية

فاكر اما كنت بتذاكر المنهج كله ليلة الامتحان؟ وبطريقة ما عقلك بيعرف يفتكر اللي ذاكرته وبتنجح، ولكن انت فاكر أي حاجه ذاكرتها زمان؟ فاكر كلت إيه علي الغدا من أسبوع؟ أكيد لا ولكن السؤال الاهم هو ليه؟ عشان احنا عقلنا شاطر في النسيان ومش بيخزن أي معلومة، عقلنا بيشتغل بمبدأ use it or lose it، فا لو أنت جبت 100 كلمة حفظتهم وسمعتهم لنفسك، وما استعملتهمش تاني في حياتك ولا راجعت عليهم، عقلك هيعمل shift+delete ليهم. 

تعالى نتعرف أكتر على حاجه اسمها الـforgetting curve والـspaced repetition ودي نظريات اكتشفها (ايرمان ابينجهاوس Herman Ebbinghaus)، بص على الصورة دي معانا: 

الصورة دي معناها إيه من الآخر؟ إنك اما بتذاكر حاجه وتراجع عليها بتفتكرها لمدة 24 ساعة بس، ولو ما راجعتش عليها بعدها ب3 أو 4 أيام بتنساها تماماً، علي النقيض لو راجعت عليها بعديها بيوم، وبعد اليوم ده بيومين، وبعد اليومين دول بأربع أيام وبعدين بأسبوع..إلخ، مستحيل تنساها! وده بقى سر الـspaced repetition وده اللى انت هتتعلمه دلوقتى من خلال برنامج بيطبق نظام الـSRS عشان تتعلم أي لغة أنت عاوزها. 

SRS اختصار لـ "Spaced Repetition System" يعني "نظام التكرار المتباعد". الفكرة الأساسية من البرنامج  إنك بتحفظ كلمات جديدة و بتراجع عليها على فترات زمنية متباعدة بدل ما تراجعها كلها مرة واحدة. ده بيساعد المخ إنه يحتفظ بالمعلومة لفترة أطول، وبيقلل من نسيانها، يلا بينا نبتدي: 

برنامج أنكي Anki (مجاني تماماً لنسخة الكمبيوتر والاندرويد - نسخة مدفوعة للآيفون)

برنامج آنكي ممكن يكون صعب نسبياً إنك تستعمله، ولكنه في غاية الأهمية ويستاهل كل دقيقة بتقضيها عليه في تعلمك لإزاي تستعمله اساساً، تقدر تتفرج علي الفيديو ده عشان تعرف ازاي تستعمل Anki!

بنرشحلك الـdecks دي عشان تذاكر منها إنجليزي:

1- 1000 Basic English Words (For beginners)

2- 4000 Essential English Words (Beginners to Advanced)

3- Lifelong Learning (Advanced Vocabulary)

4- English Grammar In Use Exercises (Grammar Exercises)

لو نزلت الـdecks دي ولسه حاسس استعمال البرنامج صعب او مش عارف تستعمله ازاي، بننصحك تخش علي يوتيوب وتتفرج علي فيديو طويل شويه بيشرح استعمال البرنامج، عيب Anki الوحيد هو صعوبة استعماله في الأول، ولكن لو استعملته لفترة طويلة وانتظمت علي استعماله، هيعمل طفرة في مستواك اللغوي!

لو عندك اي اسأله ما تترددش انك تبعتلنا مسج علي الواتساب، بنفكرك دايماً إن لازم مع الحفظ والمذاكرة practicing، ولو عاوز تتمرن علي مهارة المحادثة احنا بنوفرلك البيئة المناسبة عن طريق برنامج المحادثة المكثف بتاعنا، اعرف تفاصيل اكتر من هنا!