ازاي تحسن نطقك لصوت الـTh
لما حد بيكلمنا بيقولنا انا عاوز أحسن الـpronunciation بتاعي هو غالبا بيكون بيعاني من مشكله معظم المصريين بيعانوا منها، المشكلة اللي بتواجهنا كلنا في النطق كلها تتلخص في 3 أصوات غالباً، هما ال th/p/b وفي المقاله دي هنتكلم علي أول صوت منهم وهو صوت الـth.
طيب أول حاجه هنحتاج نفهمها هنا إن صوت الـ "Th" بيطلع بشكلين مختلفين، لازم نقدر نفرق ما بينهم، كمل قرايه عشان تعرف الفرق.
أنواع صوت الـ Th
الصوت المهموس /θ/ أو الـVoiceless th
لو هنحط قاعده مبدئيه نقدر نمشي عليها، الصوت ده غالبا بيكون في الكلمات اللي ليها معنى مهم، بنسميها content words، بكل بساطه معظم الاسماء والافعال والصفات والظروف، كلمات زي:
think (verb) - thought (noun) - thankfully (adverb)- teeth (noun)..etc.
طريقة نطق الصوت المهموس (voiceless th): الصوت ده زيه زي صوت الـ"ث" في اللغة العربية بالظبط، حط طرف لسانك ما بين سنانك وبعدين حط صباعك على حنجرتك، اما تيجي تنطق صوت الـ"ث" ده المفروض حبالك الصوتيه ما تتهزش، اتمرن على الـtongue twisters دي لحد ما تعرف تزبط الصوت:
"Three thin things."
"Thank the thief."
"Theo, think fast!."
الصوت المجهور /ð/ او الـVoiced th
لو هنحط للصوت ده قاعدة مبدئيه نقدر نمشي عليها، الصوت ده بيكون في الكلمات اللي ملهاش معنى مهم أوي في الجملة، بنسميها function words، حاجات زي اسماء الاشاره وأدوات التعريفه وهكذا، كلمات زي:
the - this - that - those - these - then - there other..etc.
طريقة نطق الصوت المجهور (voiced th): الصوت ده بيتعمل بنفس طريقة الصوت التاني بس تخيل انك موبايل نوكيا بيعمل فايبريشن، الصوت اللي بيطلع مقارب شويه للحرف "ز" لو حد ألدغ بينطقه. هتحط طرف لسانك ما بين سنانك وبعدين حط صباعك على حنجرتك، اما تيجي تنطقه المفروض حبالك الصوتيه تتهز، اتمرن على الـtongue twisters دي لحد ما تعرف تزبط الصوت، الكلمات اللي تحتها خط تتنطق بصوت مجهور، التانيين بصوت مهموس:
"Theo's father threw the thread."
"They thank their therapist."
ازاي تتمرن على نطق الصوت Th
أول حاجه لازم تعرف تميز بين الصوتين سماعياً، اسمع الريكورد ده عشان تلاحظ الفرق، بعديها اسمعه تاني وقلده
Voiceless Th
Thin - Thank - Thief - Theater - Thirsty - Thursday - Third - Nothing - Toothpaste Birthday - Healthy - Toothbrush - Bath - Teeth - Month - Mouth - Cloth - Eleventh- Thirteenth
Voiced Th
The - This - That - These - Those - There - They - Other - Mother - Father - Brother Weather - Together - Feather - Leather - Bathe - Bother - Breathe
اسمع التانج تويسترز دي كتير وابتدي قلدها، قلد بالراحة الأول وبعدين سرع تدريجياً
1- Thirty three thousand people think that Thursday is their thirtieth birthday.
2- Thirty thousand thirsty thinkers thought Thursday was their thirtieth birthday.
3- Thirty-three thoughtful thieves thanked their thirteenth friend on Thursday.
اتمرن كل يوم: التدريب المستمر هو اللي هيخليك تتحسن. حتى لو خمس دقايق بس في اليوم، اعمل tongue twisters اكتر هتلاقيها في الموقع ده وقارن نطقك بالنطق الصحيح للجملة، لازم لازم تسمع وتقلد وتسجل نفسك وانت بتقلد وبعدين تسمع اللي انت قلته وتعمل مقارنه ما بين نطقك ونطق الnative speakers.
Start writing here...